Atashetë e huaj ushtarakë “inspektojnë” batalionin “Komando” në Zall-Herr

Përfaqësuesit Ushtarakë Kombëtarë (PUK) të Aleancës, të akredituar në vendin tonë, vizituan sot ambientet  batalionit ‘Komando” dhe të  batalionit të Forcave Speciale(bFS).

Qëllimi i kësaj vizite, ishte njohja e Përfaqësuesëve Ushtarakë Kombëtare(PUK) të Aleancës, me kapacitetet dhe mundësitë që ofrojnë Forcat e Armatosura të Republikës së Shqipërisë, me fokus kapacitetet e FT.

Në ambientet e garnizonit të Zall-Herrit, ata u pritën nga Komandanti i Forcës Tokësore gjeneral brigade Nazmi Cahani, i cili nëpërmjet një rezymeje të shkurtër, i njohu vizitorët me misionin dhe detyrat e Forcës Tokësore në përgjithësi dhe me ato atë trupave ‘Komando” dhe speciale në veçanti.

Një pjesë të mirë të prezantimit të gjeneral Cahanit, e zuri edhe njohja e delegacionit me angazhimet e Forcës Tokësore në misionet paqeruajtëse, si dhe me stërvitjet kombëtare dhe ato ndërkombëtare, që kanë zhvilluar dhe janë duke u zhvilluar aktualisht nga efektivat e FT.

Më pas, vizita vazhdoi me prezantimin e ambienteve të punës dhe stërvitjes së batalionit “Komando” dhe të bFS, si dhe me ekspozimin e armatimit dhe pajisjeve të reja moderne standart i NATO-s që përdoren nga efektivat e FT.
Për ndër të vizitorëve të shquar, efektivat  e këtyre dy batalioneve elitë të FT, kryen një numër demonstrimesh, me tematikë nga stërvitja e tyre e përditshme si alpinizëm, luftim trup me trup, qitje precizioni, veprime të luftës në qendrat e banuara etj.

Atashetë ushtarakë, duke falenderuar gjeneral Cahanin për mikpritjen, vlerësuan angazhimin dhe kontributin e Forcave të Armatosura shqiptarë në kuadër të operacioneve të paqes. Gjithashtu ata falenderuan edhe efektivat “komando” dhe trupat e batalionit të Forcave Speciale, për performancën e treguar gjatë demonstrimeve.
Vizita u mbyll më një foto të përbashkët