roze

Sandra Bullock aktorja më e paguar për 2014-n

sandrabullock1Sandra Bullock sapo ka mbushur 50 vjeç, por sërish është një nga aktoret më të kërkura të Hollywood-it.

Bullock  është  kurorëzuar nga revista “Forbes” si një ndër aktoret më të paguara të vitit 2014 me rreth 51 milionë dollarë të fituara.

Në klasifikimin e vitit nga “Forbes” në vendin e dytë është  renditur Jennifer Lawrence me 34 milionë USD dhe më pas Jennifer Aniston me 31 milionë USD. Ndërsa si personi më i pushtetshëm për 2014 është shpallur Beyonce me 115 milionë USD të fituara.

Suksesi i filmit “Gravity” e ka renditur  Bullock në vendin e parë. Filmi arriti të fitojë rreth 716 milionë dollarë për vitin 2013. Gjithashtu filmi ka marrë  shumë kritika pozitive dhe 10 nominime  në Çmimet Oskar ku arriti të fitojë 7 statuja.

Sandra Bullock nuk ia ka dalë që të marrë çmimin si Aktorja më e Mirë protagoniste me filmin “Gravity” që e kishte fituar në vitin 2012 me filmin “The Blind Side”.

Sipas Forbes  në vendin e katërt është renditur Gwyneth Paltrow me 19 milionë USD që ndiqet nga Angelina Jolie  me 18 milionë USD sikurse edhe Cameron Diaz.  Më pas renditet Scarlett Johansson dhe Amy Adams me 17 milionë USD, Natalie Portman me 13 milionë USD dhe Kristen Stewart me 12 milionë USD.

Related Articles

Leave a Reply

Your email address will not be published. Required fields are marked *

Back to top button