Kronika

Tiranë, grabitet me armë argjendaria, plagoset pronarja me tytën e pistoletës

argjendaria-320x160Grabitet me armë një argjendari në zonën e “Selvisë” në Tiranë në “Rrugën e Dibrës”. Dy grabitës me motor, me veshje të zeza dhe skafandra në kokë, kanë hyrë brenda dyqanit dhe i kanë drejtuar pistoletën pronares të dorëzonte mallin të vendosur në banak, por kjo e fundit ka refuzuar.

Sipas policisë, autorët e kanë goditur pronaren me tytën e pistoletës dhe kanë thyer njëkohësisht edhe xhamin e banakut, ku dyshohet se kanë grabitur një sasi të konsiderueshme ari.

Gjatë largimit me motor, keqbërësit kanë qëlluar dy herë me armë në ajër për të trembur kalimtarët që ishin bërë dëshmitarë në vendin e ngjarjes.  Policia ka mbërritur menjëherë në vendngjarje dhe ka nisur hetimet për zbardhjen e saj.

Burime të policisë, bëjnë me dije se kjo argjendari është grabitur edhe më parë. Pronarja, e cila u dërgua menjëherë në spital e gjakosur në fytyrë, është vajza e Rrapo Sinanaj, i cili u vra në vitin 2011 nga vrasësi serial dhe grabitësi Viktor Gusho, në tentativë për të vjedhur argjendarinë e tij pranë stacionit të trenit në Tiranë.

Related Articles

Leave a Reply

Your email address will not be published. Required fields are marked *

Back to top button