ParlamentarePolitika

Tension në sallën e Kuvendit, ndërpritet seanca

Ndërpritet seanca plenare e Kuvendit, ndërsa në foltore po mbante fjalën  kryeministri Edi Rama. Deputetët e opozitës, të irrituar nga deklalaratat e e kreut të qeverisë për reformën në drejtësi, u ngritën nga vendi dhe iu drejtuan foltores në përpjekje për t’i bllokuar fjalën. Në keto kushte tensioni drejtuesja e seancës Valentina Leskaj i ndërpreu për pak minuta punimet.

Opozita kërkon praninë e kryeministrit

Në nisje të punimeve të seancës së sotme plenare deputetët e opozitës kërkuan praninë e kryeministrit Edi Rama në punimet e Kuvendit për t’i kërkuar shpjegime se perse nuk e ka firmosur ende shkarkimin e kryebashkiakut të Kavajës, Elvis Roshi.
“A do të kemi nderin ta kemi kryeministrin sot në seancë dhe ta pyesim se ku e ka Roshin dhe pse nuk e ka firmosur ende shkarkimin e kryebashkiakut?’, pyeti kryetari i grupit të PD-së, Edi Paloka.

Drejtuesja e seancës, nënkryetarja e Kuvendit Valentina Leskaj, pohoi se kryeministri do të vijë në parlament dhe se përgjigjen për këtë çështje do ta marrin prej tij.

Opozita rikthehet në Kuvend; priten debate për reformën në drejtësi

Pas bojkotit 10-ditor, opozita rikthehet sot në sallën e parlamentit, ndërsa seanca plenare e radhës pritet të përfshihet nga debatet për reformën në drejtësi.
Zhvillimet e fundit, pas takimit të 6 qershorit Rama-Basha, pritet të dominojnë seancën e sotme. Pezullimi i Drejtorit të Policisë së Shtetit, Haki Cako, apo qendrimet e nderkombetareve per deshtimin e kompromisit  per reformen ne drejtesi,.pritet të jenë disa nga cështjet më të nxheta të debatit në sallën e parlamentit.

Rendi zyrtar i punimeve të Kuvendit parashikon diskutimin e dy pr/ligjeve, “Për ndërmarrjet sociale” dhe pr/ligji “Për shërbimet”, si dhe të dekretit të Presidentit që ktheu për rishqyrtim në parlament ligjin “Për marrëveshjet ndërkombëtare.

Related Articles

Nje koment

Leave a Reply

Your email address will not be published. Required fields are marked *

Back to top button