Bota

Itali: Sfidat e Virginia Raggit, kryebashkiakes së re të Romës

Virginia Raggi, u zgjodh dje si gruaja e parë kryebashkiake e Romës dhe ka pesë vite për t’iu përgjigjur pritshmërive të rreth tre milionë romanëve të lodhur nga dështimet e qytetit.

Kjo avokate 37-vjeçare nga ana tjetër nuk mund t’i lejojë vetes gabime sepse tani Qyteti Hyjnor është shndërruar në një vitrinë të Lëvizjes Pesë Yjet (L5Y), formacioni i ri politik antiparti që synon të marrë sa më shpejt drejtimin e vendit.

Sepse kreu i L5Y-së, Beppe Grilllo e ka shprehur qartë se “Roma është një trampolinë për qeverisjen e vendit. Nëse ne dështojmë, ne jemi ‘të vdekur’”.

Prioritetet e shpallura

Transparencë në menaxhimin e qytetit dhe të administratës, të implikuara në shumë skandale financiare dhe afera korrupsioni, ku L5Y-ja kërkon të zgjedhur të përgjegjshëm dhe Raggi premton një vigjilencë të përforcuar në bashkëpunim me Autoritetin Kombëtar Antikorrupsion.Kaos në transporte, ku premtohet rritje e numrit të autobusëve dhe tramvajëve, më shumë rrugë të rezervuara për transportet publike dhe nxitje për përdorimin e biçikletave.

Prioritet pastrimit të mbeturinave duke modernizuar mjetet në dispozicion për mbledhjen e plehrave, por edhe gjoba më të kripura për ata që e trajtojnë Romën si një kosh plehrash dhe hedhin gjithçka në rrugë.

Kampet rome. Ndërkohë që e djathta dhe ekstremi i djathtë kishin bërë thirrje për të votuar për të në raundin e dytë për të bllokuar kandidatin e qendrës së majtë të Matteo Renzit, Raggi ka njoftuar se siguria është një nga prioritetet e saj dhe se synon për këtë të anashkalojë çështjen e kampeve të shumta rome që janë ngritur rreth kryeqytetit. Si dhe krijimin e një inventari të plotë të pasurisë për të garantuar që askush të mos jetojë në kurriz të të tjerëve.

Ajo që mbetet e paqartë

Lojërat Olimpike. Raggi është angazhuar të mbështesë artin, kulturën dhe sportin, duke përsëritur se kandidatura e Romës për Lojërat Olimpike të 2024 nuk mund të jetë një prioritet.

Borxhi i qytetit që tejkalon 12 miliardë euro dhe asfikson prej vitesh shërbimet, që kanë një mungesë të ndjeshme fondesh. Kjo çështje është debatuar gjatë gjatë fushatës, por nuk figuron mes prioriteteve të paraqitura nga Raggi në faqen e internetit të L5Y-së.

Në fakt flitet për një rinegocim ose refuzim të rimbursimit të një pjese të borxhit, por pozicioni i L5Y-së mbetet shumë i paqartë. E vetmja siguri është që Raggi sunon të fillojë sa më shpejt një audit mbi llogaritë e bashkisë.

Çështja e 60 000 punonjësve të qytetit apo të kompanive të lidhura me qytetin. Administrata shumë e madhe e qytetit është kritikuar shpeshherë për inefikasitetin e saj dhe shpeshherë mungesën e përgjegjësisë.

Policia bashkiake kishte vendosur të mbante një grevë mbrëmjen e fundvitit më 31 dhjetor 2014. Të hënën e kaluar, autobusët dhe metrotë e Romës kishin shpallur grevë duke reduktuar transportet gjithë mbrëmjen…  që përkonte me ndeshjen e fituar 2-0 kundër Belgjikës.

“Një rastësi”, kishte komentuar Virginia Raggi, që qëndron shumë e kujdesshme mbi këtë dosje delikate

Related Articles

Leave a Reply

Your email address will not be published. Required fields are marked *

Back to top button