Politika

Rama: Ne nuk sulmojmë Presidentin, kemi vetëm keqardhje

Kryeministri-Edi-Rama17-525x350 Kryeministri Edi Rama reagoi sërish pasditen e sotme në rrjetin social “Twitter” ndaj deklaratave të Presidentit të Republikës.

“Kemi pasur qeveri që sulmonin presidentët, sot kemi një president që sulmon qeverinë! Po ne s’e sulmojmë, kemi veç keqardhje #Reformasndalet”, shkruan Rama në postimin e tij.

Më herët sot Kryeministri Edi Rama reagoi nëpërmjet rrjetit social “Twitter ndaj vendimit të Presidentit të Republikës, Bujar Nishani, i cili riktheu sot për rishqyrtim në Kuvend disa shtesa dhe ndryshime në ligjin “Për Shkollën e Magjistraturës”, të miratuara në parlament më 24 korrik.

“Keqardhje për Presidentin që mes inercisë së rrënimit të drejtësisë dhe reformës rrënjësore në drejtësi ka zgjedhur inercinë #Reformasndalet”, shkruante Kryeministri Rama në postimin e tij.

Ndërsa ndaj deklaratave të Kryeministrit Edi Rama, ka ardhur edhe reagimi i Presidentit të Republikës, Bujar Nishani. “Keqardhje e thellë për Kryeministrin që beson se mund t’i ndikojë fatet e Kombit me 140 gërma. Keqardhje për qeverinë e Kryeministrit që nuk reflekton ndaj reagimeve të përsëritura të Gjykatës Kushtetuese. Keqardhje ndaj Kryeministrit qe flet për “mirëkuptim” dhe praktikon sherr, flet për Kushtetutë dhe e minon atë, flet per “liberalizëm” dhe aplikon autoritarizëm. Keqardhje për Kryeministrin që “inerci” dhe “rrënim” quan zbatimin e Ligjit, ndërsa “Reformë” plotësimin e tekave të tij”, shkruante Presidenti Nishani në një postim në “Facebook”.

Related Articles

Leave a Reply

Your email address will not be published. Required fields are marked *

Back to top button