Arnold Schwarzenegger, një Terminator i vjetër

Traileri i fundit i filmit të ri të sagës ‘Terminator’ tregon aktorin Arnold Schwarzenegger në dy versione të robotit që e ka bërë të famshëm në Hollivud.

67-vjeçari interpreton një version të vjetër të robotit në ‘Terminator: Genesys’, por në të njëjtën kohë edhe versionin e robotit që është shfaqur për herë të parë në filmin e vitit 1984.

Klipi i ri që do të transmetohet gjatë ndeshjes së Super Bowl-it tregon heroin duke thënë: “Do të kthehem.”

“E dija që do të bëhej një tjetër film Terminator. Mendoj se do të ketë sukses. Nëse një film bëhet mirë, nëse personazhi është i mirë dhe nëse aktrohet mirë, njerëzit do e shohin”, thonte Schwarzenegger për ‘Entertainment Weekly’.