Ekonomia

Briataniko-amerikani Angus Deaton fiton çmimin “Nobel” në ekonomi

nobelProfesori i Universitetit Princeton, Angus Deaton është fitues i çmimit “Nobel” në ekonomi. Akademia Mbretërore e Shkencave e Suedisë ia dha Deaton-it këtë çmim për “analizën e tij të konsumit, varfërisë dhe mirëqenies.”

“Më shumë se kushdo tjetër, Angus Deaton ka rritur të kuptuarit e zgjedhjeve individuale të konsumit”, gjë të është vendimtare për të hartuar politika ekonomike që nxitin mirëqenien dhe ulin varfërinë, sipas deklaratës zyrtare.

Duke i lidhur zgjedhjet e detajuara individuale me rezultatet e përgjithshme, hulumtimet e tij kanë ndihmuar për të transforuar fushat e mikroekonomisë, të makroekonomisë dhe të ekonomisë së zhvillimit, shton deklarata.

Duke iu përgjigjur pyetjeve në konferencën për shtyp pas njoftimit, Deaton tha se ishte “i habitur dhe i kënaqur” që kishte fituar çmimin.

Angus Deaton ka lindur në vitin 1945 në Skoci  dhe është qytetar britanik dhe amerikan. Ai ka marrë gradën “doktor” në vitin 1974 nga Universiteti i Kembrixhit, dhe që nga viti 1983, është profesor i Ekonomisë dhe i Çështjeve Ndërkombëtare në Universitetin Princeton, në Shtetet e Bashkuara.

Çmimi i këtij viti është 8 milionë korona suedeze (rreth 960 000 dollarë amerikanë).

Related Articles

Leave a Reply

Your email address will not be published. Required fields are marked *

Back to top button