Greqi, sulm me armë në lokalin e shqiptarit. Vdes shtetasi grek, plagoset një grua

Një sulm i përgjakshëm, me një viktimë dhe një të plagosur, ka ndodhur në ora 04,00 të mëngjesit në një lokal (kafe) në kryqëzimin e rrugësve Hiu dhe Kritis në Platia Vathis.

Sipas policisë, një fuoristradë me xhama të zinj, në të cilën ndodheshin dy persona, ndaloi para lokalit, një kafe-bar që i përket një shtetasi shqiptar dhe njeri prej tyre hapi zjarr me automatik, sipas gjasave kallashnikov. Në atë moment, brenda lokalit ndodheshin shtatë persona.

Nga të shtënat, humbi jetën një shtetas grek që në atë moment ndodhej jashtë lokalit, dhe u plagos lehtë një grua që ndodhet në spital jashtë rrezikut për jetën.

Pas kësaj autorët u larguan me shpejtësi nga vendngjarja. Policia shqyrton versionin e larjes së hesapeve, ndërkaq, motivet e sulmit mbeten të panjohura dhe ndoshta zbardhen kur të identifikohet viktima, që sipas policisë ishte dhe objektivi i sulmit.