Kosova

Haradinaj: BE-ja po tregohet e pasuksesshme në Ballkan

Kryetari i AAK-së Ramush Haradinaj, në një tryezë politike me temën “Ndërtimi i raporteve shqiptaro-serbe” që po mbahet në Mitrovicë, e ku po marrin pjesë personalitete të rëndësishme nga jeta politike në vend si përfaqësues diplomatikë nga shumë vende, tha se është urgjente njohja e ndërsjelltë e Kosovës dhe Serbisë.

“Çdo vonesë në këtë proces, po krijon vakum dhe keqkuptime të shumta”, thuhet në një komunikatë të AAK-së.

Haradinaj tha se në këtë proces rol vendimtar mund të luaj faktori ndërkombëtar.

Duke folur për Bashkimin Evropian, ai tha se BE-ja po tregohet e pasuksesshme në Ballkan. Rasti i Kosovës, e cila vazhdon akoma të jetë në një fazë tranzicioni, rasti i moszgjidhjes së çështjës së emrit të Maqedonisë si dhe Greqia, janë vetëm disa shembuj mossuksesi të BE-së në Ballkan.

Haradinaj tha se konferenca e sotme është një rast i mirë që të harrohen tabutë dhe gjërat të thuhen hapur.
Kosova duhet ta përfundojë atë që quhet fazë e tranzicionit dhe të përfshihet seriozisht në të gjitha proceset integruese.

Related Articles

Leave a Reply

Your email address will not be published. Required fields are marked *

Back to top button