Haxhinasto përuron bypass-in e Shkozetit

Ministri i Transporteve, Edmond Haxhinasto ka përuruar paraditen e së premtes bypass-in e Shkozetit, i cili është tashmë i hapur për qytetarët.

Në fjalën e tij në ceremoninë e përurimit, Haxhinasto vuri në dukje se ky bypass do t’u shërbejë më së miri qytetarëve, të cilëve megjithatë u bëri thirrje për përgjegjshmëri.

“Mbikalimi i Shkozetit është tashmë i hapur dhe funksional. Ndjej keqardhje për dëmtimin e barrierave nga individë të papërgjegjshëm, ndaj u bëj apel qytetarëve që të ruajnë sinjalistikën rrugore”, tha Haxhinasto.