Doshi: Kur vret vetë komandanti i Gardës, kush e jep urdhërin?

“…Prokuroria ka gjetur vrasesit ordiner. Prokuroria duhet te gjej sa me shpejt vrasesit me pushtet, ata qe kane urdheruar vrasjet. Kur vret kryetari i Gardes se Republikes, askush nuk ka dyshim se urdherin e ka dhene Kryeministri. Kur provat e vrasjeve dhe urdherave fshihen nga serveri nga stafi i Keshillit te Ministrave, askush nuk ka dyshim se urdheri eshte dhene nga Kryeministri, – thote ne reagimin e tij te sotem deputeti i PS, Tome Doshi (ne foto gjate protestes se deputeteve socialiste para KQZ-se). Me poshte, deklaratae plote e z.Doshi:

DEKLARATE PER KERKESEN PER HEQJEN E IMUNITETIT TIM SI DEPUTET

Sapo u njoha me deklaraten e Prokurores se Pergjithshme se eshte kerkuar imuniteti im parlamentar per hetimet e 21 Janarit. Shpreh gatishmerine time te menjehershme te vihem ne dispozicion te hetimeve, duke mbeshtetur parimisht kete kerkese.

Do te votoj edhe vete PRO kesaj kerkese diten qe do vije ne Parlament. Une kam qene ne kete proteste si deputet i Partise Socialiste dhe kam demonstruar i qete dhe paqesisht.

Edhe kur Policia dhe Garda filluan te godasin, rrahin dhe me pas vrasin protestuesit, une kam kontribuar per te qetesuar protestuesit, per te ndaluar aktet e dhunshme. Cdo hap imi ate dite eshte filmuar dhe cdo gje eshte transparent. Prokuroja e Pergjithshme sot deklaroi se Policia e Shtetit ka deklaruar me shkrim dhe zyrtarisht se nuk mund te provoj asgje te dhunshme te organizuar politikisht ne organizimin e protestes.

Prokuroria ka gjetur vrasesit ordiner. Prokuroria duhet te gjej sa me shpejt vrasesit me pushtet, ata qe kane urdheruar vrasjet. Kur vret komandanti i Gardes se Republikes, askush nuk ka dyshim se urdherin e ka dhene Kryeministri.  Kur provat e vrasjeve dhe urdherave fshihen nga serveri nga stafi i Keshillit te Ministrave, askush nuk ka dyshim se urdheri eshte dhene nga Kryeministri. Sot eshte hedhur nje hap i madh per venien ne vend te drejtesise per krimin e 21 Janarit.

Pune te mbare Prokurorise.