Shi dhe debore ne te gjithe vendin

Situata në akset rrugore të vendit, vazhdon të mbetet e rënduar, për shkak të reshjeve të dendura të dëborës që kanë vazhduar edhe në mbrëmjen e kaluar, pavarësisht se me më pak intensitet se ditët e mëparshme.

Me problematike mbeten qarqet e Kukesit dhe te Dibres, si edhe rrethi i Pukes. Ne Kukes dhe Tropoje te gjitha akset rrugore nacionale jane te kalueshme, por vetem duke perdorur zinxhiret. Ne Peshkopi dhe Bulqize ka nje sere aksesh pakalueshme, por rruget kryesore qe lidhin qytetet me njera-tjetren kalohen pa veshtiresi.

Në qarkun Shkodër situata eshte me normale, perveç rrethit te Pukes, rruget jane te bllokuara. Por aksi Puke –Fushe Arrëz, eshte i kalueshem me zinxhire. Ne

qarkun e Lezhes nuk ka rruge problematike, perveç se ne zonat e thella të Mirditës në drejtim të Lurës akset rrugore janë të pakalueshme. Ne Tiranë, vetem ne drejtim te Dajtit duhen perdorur zinxhire. Ne qarkun e Gjirokastres mbetet e bllokuar vetem segmenti Permet – Çarshove, ndersa ne ate te Korçes kalohet me veshtiresi rruga per ne Erseke. Qarku Elbasanit dhe ate te Vlores nuk ka asnje segment rrugor te bllokuar.

Reshjet e shiut, probleme në porte

Ndryshimi i kushteve atmosferike në bregdet dhe Adriatik që nga nata e kaluar ka shkaktuar probleme në trafikun detar.

Tragetet e linjës Bari-Durres, të cilat duhet të mbërrinin mëngjesin e së shtunës janë parashikuar të ankorohen rreth orës 5.00 të pasdites, ndërkohë që dhe në nisje ka pasur vonesa të theksuara. Fortunali qe ka perfshire brigjet dhe ujërat e Adriatikut ka sjellen nisjen e lundrimit te dy trageteve drejt Barit me nje vonese 8 oreshe.

Ne kapitenerinë e portit detar të Durrësit bëjnë të ditur se kushtet atmosferike në det te hapur janë të keqija dhe rrjedhimisht lundrimi tejet i veshtiresuar per anijet e tonazhit te rende. Deti ka nje force prej 7-8 balle, ndersa shpejtesia e eres me drejtim nga juglindja ka arritur 23 metra/sekondë. Anijet kane nderprere lundrimet e tyre, nderkohe qe probleme ka pasur deri ne mesdite dhe ne trafikun tokesor. Si rezultat i reshjeve te dendura te shiut, qarkullimi eshte veshtiresuar ndjeshem ne disa prej rrugeve te qytetit, si dhe ne kryqezimet e tij.

Edhe në Portin e Vlorës trafiku detar, i shkaktuar nga moti i keq, ka sjellë probleme të shumta. Mëngjesin e se shtunes në Vlorë janë shënuar reshje të dendura shiu, të cilat parashikohen të zgjasin edhe gjatë ditës. Era ka drejtimin në kuadratin Jug-Jugperëndim, me shpejtësi nga 4-6 deri në 8-10 m/sek në afërsi të bregut të detit. Temperaturat e ajrit do të arrijnë vlerat maksimale në 10-12 gradë celsius dhe ato minimale nga 6-8 gradë celsius. Valëzimi në hapësirën detare brenda gjirit të Vlorës parashikohet të arrijë 2-3 ballë dhe në det të hapur 4-5 ballë.

Share on: Facebook del.icio.us Digg StumbleUpon Twitter