Tropojë, shembet miniera, dy të vdekur dhe dy të plagosur

Një ngjarje e rëndë ka ndodhur në minierat e Tropojës sot rreth orës 15:00. Nga shembja e një galerie në minierën në Veliç të Tropojës kanë mbetur të vdekur dy persona.

Në momentin e shembjes mësohet se brenda në minierë gjendeshin katër persona, ku për dy prej tyre ngjarja ka rezultuar fatale. Emrat e dy të vdekurve janë Erjon Geci 21 vjeç dhe Dritan Neza 22 vjeç.

Pak ditë më parë nga një shpërthim në minierën e Bulqizës një minator mbeti i vdekur.