Justin Bieber: Nuk po kërkoj të dashur
Për këngëtarin kanadez, viti 2014, ka qenë shumë i trazuar pasi përveç problemeve me ligjin, ai u nda edhe nga e dashura e tij, Selena Gomez.
Çifti i ka dhënë fund zyrtarisht marrëdhënies së tij dhe duket se muajt e fundit, Justin po përpiqet të pastrojë imazhin e tij dhe të rregullojë gabimet e bëra.
“Në këtë pikë të jetës, jam i fokusuar vetëm te vetja ime, që do të thotë se nuk jam në kërkim të një të dashure”, ka thënë ai për “USA Today”. “Dua të jem 100% i sigurt për atë person që dua ta kem pjesë të jetës sime. Dua një vajzë të cilës mund t’i besoj pasi ky biznes është shumë i vështirë”.
Justin gjithashtu ka komentuar ngjarjet me të cilat i është dashur të përballet me ligjin, duke thënë se kanë qenë pjesë e procesit të rritjes.
“Tani di se çfarë dua, unë kam mësuar nga gabimet e mia”, shton këngëtari.
