Kali më i bukur në botë
Vjen nga Bibione e Italisë dhe është cilësuar si kali më i bukur në botë, sa i takon kategorisë së kuajve arabë dhe egjiptianë. 5 vjeçarja Maysuna Guasimo është vlerësuar në Romë si kali më i bukur, gjatë një konkursi ku kanë marrë pjesë shumë kuaj.
Është një krenari e vërtetë për trajnuesin e kalit, Federico Fogarin. “Të premten fitoi titullin në kategorinë e saj dhe ishte një kënaqësi e madhe. Mund ta merrni me mend se sa herë më e madhe është kënaqësia kur ky titull është në nivel botëror”,- ka thënë me krenari Federico.
Maysuna Guasimo është pa dyshim kali më i bukur i gjithë racës arabe-egjiptiane në botë. Bukuria e saj është vënë re dukshëm në një konkurs në Romë ku kanë marrë pjesë shumë kuaj, por asnjë nuk ishte si ajo.
“Lindi dhe u rrit në Bibione, por nuk më pëlqen të flas shumë për të dhe ta mburr, edhe pse jam tejet i gëzuar që bukuroshja ime fitoi çmimin botëror”, tha kujdestari i kalit.
