Kosova

PDK-së i shtohet presioni ndërkombëtar! Java tjetër vendimtare!

Pas dështimit të sotëm për votimin e Gjykatës Speciale nga ana e Kuvendit të Kosovës për shkak se disa deputetë të PDK-së kundërshtuan ta votojnë atë, është rritur presioni ndërkombëtar ndaj drejtuesve të Partisë më të madhe në vend.

Burime ndërkombëtare kanë thënë se kryetari i PDK-së, Hashim Thaçi dhe zëvendësi i tij, Kadri Veseli gjenden para një presioni të paparë ndërkombëtarë për votimin e kësaj gjykate. “Ndërkombëtarët ia kanë bërë të qartë Hashim Thaçit e Kadri Veselit që Gjykata Speciale duhet të kaloj nga ana e Kuvendit të Kosovës. Ata kanë kërkuar nga dyshja që të bëjnë të pamundurën që t’i bindin deputetët e partisë së tyre që ta votojnë projektligjin për themelimin e gjykatës”, tha ky burim.

Në anën tjetër, Gazeta Blic merr vesh se në mbledhjen e Grupit Parlamentar Thaçi e Veseli përpos që kanë bërë presion ndaj deputetëve, ata edhe i kanë kërcënuar ata, duke u thënë se do të kenë pasoja, nëse do të dështoj themelimi i kësaj gjykate.
Mësohet se javën tjetër sërish do të mblidhet Kuvendi për të votuar për Gjykatën Speciale.

“Deri javën tjetër PDK ka kohë që t’i bind deputetët e saj që ta votojnë themelimin e Gjykatës Speciale”, tha ky burim ndërkombëtar.

Mediet kanë raportuar se hiq më pak se 11 deputetë të kësaj partie kanë kundërshtuar votimin e Gjykatës Speciale.

Ndërkohë, arsyetimi i shefit të GP të PDK-së, Adem Grabovci ka dhënë propozim qesharak kur ka kërkuar që të shtyhet votimi i Gjykatës Speciale, me arsyetimin se ende nuk janë përkthyer draftet e ardhura nga Brukseli për këtë projektligj.

Gjatë ditës së sotme, ka pasur edhe protesta kundër themelimit të kësaj gjykate.

Duket se vendimi i Gjykatës Themelore në Mitrovicë, ku u dënuan Sylejman Selimi e Sami Lushtaku, si dhe disa ish- ushtarë tjerë të UCK-së, ka ndikuar që shumë deputetë të PDK-së të dalin kundër kësaj gjykate.

Zyrtarisht edhe deputetja e PDK-së, Ganimete Musliu e cila ka paralajmëruar votën kundër kësaj gjykate, ka thënë se shtyrja e seancës së sotme është bërë për shkak të amendamenteve për këtë projektligj, e jo për shkak të votave. Mirëpo, ndryshe kanë thënë deputetët opozitarë. Sipas tyre, koalicioni nuk i kishte numrat.

Related Articles

Leave a Reply

Your email address will not be published. Required fields are marked *

Back to top button