Kronika

Pezullohet dekani i Mjekësisë

bajram-Rektori i Univeristetit të Mjekësisë ka pezulluar nga detyra dekanin e Fakultetit të Mjekësisë, Bajram Hysa, për abuzime me fondet e institucionit që drejton.

Një audit i cili ka përfunduar në muajin qershor ka konstatuar se dekani ka abuzuar me fondet duke shkaktuar një dëm me vlerë 55 milionë lekë. Por dekani Hysa i hedh poshtë këto akuza duke i konsideruar ato të qëllimshme.

“Nuk ka tagër që të pezullojë një dekan të votuar, që mund të pezullohet vetëm kur ka shkelje të rënda dhe flagrante të ligjit. Asnjë prej tyre nuk ka ndodhur”, ka deklaruar Hysa.

Hysa hedh dyshime për pezullimin e tij dhe thotë se Rektorati ka si qëllim komandimin e një personi më afër stafit.

“Unë jam i bindur se pezullimi im nuk është bërë pa qëllim. Prapa kësaj fshihet një skemë korruptive, për emërimin e një dekani të ri, për të emëruar ata shefa shërbimesh që do të dëshironin. Ka një treg informal mbrapa Ministrisë së Shëndetësisë. Janë tenderat dhe listat e ilaçeve që duan t’i hartojnë sipas dëshirës së atyre që i menaxhojnë këto”, ka thënë Hysa.

Pasi ka bërë publik pezullimin e tij, që e konsideron të padrejtë dhe abuziv, dekani i Fakultetit të Mjekësisë i është drejtuar me një letër Ministres së Arsimit, zonjes Lindiat Nikolla, për të ndërhyrë për të anuluar këtë vendim.

Related Articles

Leave a Reply

Your email address will not be published. Required fields are marked *

Back to top button