Qeveritare

Rama në Lushnje: Duhet të jemi të aftë të thithim fondet e BE

Rama-me-fermere-525x350Kryeministrit Edi Rama dhe Ministri i Bujqësisë, Zhvillimit Rural dhe Administrimit të Ujërave, Edmond Panariti, ishin sot në Lushnje për lidhjen e kontratave të projekteve fituese të investimeve në bujqësi për këtë rreth.

“Në vitin 2015 fondi për fermerët do të jetë edhe më i lartë”, deklaroi Edi Rama në takimin me fermerët në Lushnje. Në fjalën e tij Rama tha se statusi kandidat i fituar nga Shqipëria në qershor të këtij viti, i jep mundësinë qeverisë për të aplikuar për fonde, duke shtuar se prioritet do të jetë thithja sa më e madhe e këtyre fondeve.

“Agjensia e Zhvillimit Bujqësor Rajonalë dhe drejtoritë e bujqësisë mision për të bërë të ditur këtë etapë të re. Vitin e ardhshëm fondi do jetë më i lartë. Na duhet të jemi të aftë të thithim fondet e BE. Statusi i kandidatit na jep mundësinë për të aplikuar për fonde. Sfida jonë ta bëjmë fermerin të aftë për të aplikuar. AZHBR instrumenti fillestar. Kontratat që do nënshkruhen sot produkti i një procesi historik që nis për fshatin”, nënvizoi Kreu i Ekzekutivit.

Më tej kryeministri Rama tha se sot do të hapet një faqe e re për këtë zonë duke theksuar se ndër vite në emër të zhvillimit të bujqësisë janë zgjeruar kanalet e korrupsionit.

Ndërsa shpërndau kontratat e përfitimit nga skemat e mbështetjes financiare në bujqësi dhe blegtori, Rama tha se numri i aplikimeve ka qenë i lartë si kurrë më parë, duke treguar sipas tij që fermerët janë gati për sfidën e ciklit të mbyllur.

“Për vite të tëra u abuzua me naftën. Ne emër të zhvillimit të bujqësisë u zgjeruan kanalet e korrupsionit. Sot hapim një faqe të re. Jo me lëmosha elektorale, apo klientele partiake. Sot nxisim shembujt e suksesit, për të nxitur punësim prodhim eksport. Numri i aplikimeve ka qenë si asnjëherë më parë. Kjo tregon se fermerët janë gati për sfidën e ciklit te mbyllur”, tha shefi i qeverisë

Kryeministri i Shqipërisë, u shpreh se “ka ardhur koha e aplikimeve dhe nxitjes me programe zhvillimi”, duke nënvizuar se “nuk duhet  investuar te mbijetesa por të zhvillimi.”

Related Articles

Leave a Reply

Your email address will not be published. Required fields are marked *

Back to top button