Rama përuron pedonalen në Berat
Kryeministri Edi Rama përuroi sot pedonalen e qytetit të Beratit si dhe inspektoi rikonstruksionin e Urës së Goricës.
Përmes një postimi në rrjetin social Facebook, Kryeministri Edi Rama bëri të ditur se ndodhet në Berat në kuadër të Programit Kombëtar “Rilindja e Qyteteve”. “Ura monument kulture duke dalë nga shtrati i llumit 20 vjeçar”, shkruan Kryeministri, ndërsa i cilëson këto projekte si transformim entuziasmues për qytetin.
Gjatë këtij aktiviteti ai theksoi se ky është një premtim i mbajtur i fushatës së PS-së.
“Krenar pasi ky është vetëm fillimi. Në një vit kemi investuar më shumë se 10 vitet e fundit”, u shpreh Rama. Më tej ai theksoi se këto projekte çelin rrugë të reja për ekonominë. “Do punojmë të nxjerrim në pah thesaret e qytetit. Edhe në Berat nuk do të lejojmë ndërtime pa leje”, u shpreh kryeministri.
