Reshjet e shiut, aksi Tiranë-Elbasan i bllokuar gjatë fundjavës

Autoriteti Rrugor Shqiptar informoi të shtunën se aksi rrugor Tiranë-Elbasan do të vijojë të jetë i bllokuar gjatë gjithë fundjavës.

Sipas ARRSH-së, bllokimi i aksit rrugor Tiranë-Elbasan erdhi si pasojë e reshjeve të shiut, që mund të krijojnë probleme sa i përket rrëshqitjes së dherave, çka do të vinte në rrezik sigurinë e qytetarëve.

Autoriteti Rrugor rekomandon drejtuesit e automjeteve që përgjatë këtyre ditëve të përdorin për qarkullim aksin Tiranë-Rrogozhinë.