Libri

Rikthimi poetik i Cipajve në Kosovë

-Prezantohet në Prishtinë triptiku “Etër dhe Bij”. Librat priten me interes nga opinioni publik-

Aktiviteti-ku-u-prezantua-triptiku-Etër-dhe-Bij1-266x200Aleksandër Çipa, gazetari dhe poeti i njohur shqiptar, një pjesë të konsiderueshme krijmtarisë së tij në publiçistikë dhe në poezi i ka të lidhura me Kosovën, ku jo vëtëm punoi për një vit rresht si drejtues i gazetës së rëndësishme “Kosova Sot”, por edhe një fond të publiçistikës e ka të firmosur në Kosovë dhe mbi Kosovën. Ndërkohë shumë prej poezive “perla” të Sandrit janë “gatuar” në ambjentin e gjallë të Prishtinës dhe viseve përreth.

Ndaj insistimi në për ta prezantuar triptikun “Etër dhe bij” me dy libra të poetit Lefter Çipa, një libër të vetë Aleksandër Çipës dhe të birit Akri Çipa në Prishtinë kishte domethënien e vet. “Kosova ka një shenjë të fortë në familjen tonë dhe nuk jam vetëm unë që kam një lidhje me të. Ati im Lefteri i ka kushtuar Kosovës, një pjesë të rëndësishme të fondit të tij letrar dhe studimor”, thotë Aleksandër Çipa.

Dhe në fakt kjo lidhje e fortë u duk edhe në aktivitetin mjaft serioz dhe kuptimplotë që u zhvillua në auditoriumin e madh të Biblotekës Kombvëtare  “Pjetër Bograni” të Kosovës.

Në këtë aktivitet ku pati një interesim të gjerë mediatik dhe intelektual u prezantuan librat: “Vij Nga Drita”, “Këngët e Atdheut tim” të poetit Lefter Çipa, “Mbi re s’ka stacione” të poetit Aleksandër Cipa dhe “Në modernitet humbëm” cikël poezish nga Akri Çipa.

studiuesi Behar Gjoka

Behar Gjoka, studiuesi i njohur i letërsisë theksoi se “Unikja shënjuese dhe gjallëruese e bashkëlidhjes së këtyre librave të të tre autorëve etër dhe bij natyrshëm shpaloset si një fakt enciklopedik dhe tepër i rrallë”.

Ndërsa studiuesi Flamur Maloku theksoi se “Lefter Çipa, është i vetëdijshëm për rëndësinë e gjuhës poetike, për rëndësinë e fjalës poetike. Pra, për poezinë dhe artin në përgjithësi. Fjala e përzgjedhur poetike e përfshirë në librin “Vij nga drita” të fal kënaqësinë estetike”.

Ambasadori i Shqipërisë në Kosovë, Qemal Minxhozi.

Ambasadori i Shqipërisë në Kosovë, Qemal Minxhozi, duke përshëndetur këtë promovim theksoi se është mirë që të ketë jo vetëm shkëmbime turistike mes nesh por më shumë aktivitete të tilla kulturore ndihmojnë të njohim njëri tjetrin. Ambasadori Minxhozi tha se sot në Prishtinë “shpaloset e djeshmja, e sotme dhe e ardhmja e një familje që i ka dhënë shumë vendit dhe kombit”.

Prezantimi i librit pati mjaft interesim nga mediat audiovizive, ato elektronike dhe shtypin e shkruar në Kosovë, ndërkohë që në eveniment morën pjesë mjaft emra të kulturës, intelektualë, pjesëtarë të botës akademike, asaj politike si ish-Kryeministri Bajram Kosumi, deputetja e Parlamentit të Kosovës, Alma Lama por edhe personalitete të tjera e mjaft studentë e të rinj.

Related Articles

Leave a Reply

Your email address will not be published. Required fields are marked *

Back to top button