Vdes ish-presidenti Zhelju Zhelev

Vdiq sot në moshën 79-vjeçare presidenti i parë i zgjedhur në mënyrë demokratike në Bullgari, Zhelju Zhelev, njoftoi agjencia bullgare e lajmeve, BTA.

Zhelju Zhelev u lind më 3 mars 1935 në fshatin Veselinovë në Shumen.

Arsimin e mesëm e mbaroi në gjimnazin në Shumen dhe në vitin 1958 mbaroi Fakultetin e Filozofisë në Universitetin e Sofjes “Shën Klementi i Ohridit”.

Filozof me profesion, disident, politikan dhe burrë shteti, Zhelju Zhelev ishte iniciator dhe bashkëthemelues i Perestrojkës dhe një nga themeluesit e Lidhjes së Forcave Demokratike (LFD) në dhjetor të vitit 1989.

Pas zgjedhjeve të para shumëpartiake pas ndryshimeve në Bullgari në qershor të vitit 1990, Zhelev u bë koordinator i Grupit Parlamentar të LFD-së dhe më 1 gusht Kuvendi Kombëtar e zgjodhi president të Bullgarisë.

Në janar të vitit 1992 u rizgjodh në postin në zgjedhjet e para të drejtpërdrejta presidenciale në Bullgari.

Postin e presidentit ai e mbajti deri në janar të vitit 1997.