Vin Diesel këndon live për mikun e tij… Paul Walker

Vin Diesel e vuan ende humbjen e mikut të tij të ngushtë, Paul Walker. Aktori i Furious 7, 47 vjeç, ka postuar në profilin e tij një muzikal që ia dedikon mikut të tij, i cili ndërroi jetë në një aksident me makinë në nëntor të 2013.

Në një klip prej afërsisht katër minuta e gjysmë, aktori këndon këngën e Tove Lo “Habits (Stay High)”, para një fotomontazhi të tij bashkë me Walker, dhe zërat në sfond.

“Kjo është për ty vëlla”, thotë Diesel para se të nisë të këndojë këngën. Dallohet zëri i tij karakteristik, që herë pas here dridhet e përlotet. Diesel ka shkruar gjithashtu në Facebook “ Procesi i vazhdueshëm i shërimit… me shumë dashuri”.