LSI: RD publikon lajme të pavërteta, ndëshkim për ata që shkelin ligjin

Sekretari i Përgjithshëm i Lëvizjes Socialiste për Integrim (LSI) akuzoi sot gazetën ‘Rilindja Demokratike’ se publikon lajme të pavërteta, ndërsa theksoi se duhen ndëshkuar të gjithë ata që shkelin ligjin.

Deklarata e sekretarit të LSI-së vjen pas publikimit nga kjo gazetë, organ zyrtar i Partisë Demokratike, më 23 maj 2015, të një shkrimi ku LSI akuzohet “për blerje dhe manipulim të votave në qytetin e Shkodrës”.