Pas takimeve zyrtare, Hoxha dhe Konjufca bëjnë homazhe te memoriali ‘Heroinat’ në Prishtinë

Pas takimeve me krerët e institucioneve të Kosovës, ministri për Evropën dhe Punët e Jashtme i Shqipërisë, Ferit Hoxha, ka bërë homazhe pranë memorialit “Heroinat” në Prishtinë, së bashku me ministrin në detyrë të Punëve të Jashtme të Kosovës, Glauk Konjufca.

Homazhet u zhvilluan në kuadër të vizitës zyrtare të Hoxhës në Kosovë, gjatë së cilës ai u takua me kryeministrin në detyrë Albin Kurti dhe ushtruesen e detyrës së Presidentes, Albulena Haxhiu.