Cilat janë dy vajzat e arrestuara për drogë

Mes 26 të arrestuarve në operacionin e koduar “Epilogu” janë edhe 2 shoqe të ngushta, 31-vjeçarja Sonila Dinoshi dhe 28-vjeçarja Aurora Liço, të dënuara edhe më parë për trafik droge. Ndërsa një vajzë tjetër 27 vjeçe, me iniciale E. B., është proceduar në gjendje të lirë. Nga hetimet është zbuluar edhe mënyra e shpërndarjes së drogës në Tiranë, ku femrat që ishin pjesë e këtij grupi kishin një rol kyç në përgatitjen dhe shpërndarjen e drogës. Shtetasi Julian Bushati, që u arrestua në Durrës, siguronte një sasi të konsiderueshme heroine dhe më pas ia jepte për ta shitur nëpër lokale nate në kryeqytet, dy vajzave, Dinoshit dhe Liços. Duhet theksuar se ky grup shiste çdo ditë një sasi prej 100-200 gramë drogë dhe fitimet ishin të konsiderueshme. Nga ana tjetër, Sonila Dinoshi, ishte gruaja e Kol Kllapit, i cili së bashku me Julian Bushatin, kishin bllokuar tregun me pakicë të heroinës në Tiranë dhe Durrës dhe ishin edhe “ustallarët” trefishimit të heroinës me përbërës farmaceutikë.