SOÇI – Lavrov: Marrëdhënie më të përgjegjshme Moskë-Uashington

Ministri i Jashtëm rus, Sergei Lavrov u shpreh sot gjatë takimit me  homologun amerikan, Mike Pompeo se ka ardhur kohë që Rusia dhe SHBA-ja të vendosin marrëdhënie “më të përgjegjshme” për të dalë nga situata e zymtë aktuale.

“Është koha për të filluar ndërtimin e një modeli të ri të perceptimit reciprok. Ne jemi gati”, deklaroi Lavrov në Soçi (jug), në nisje të bisedimeve më të rëndësishme mes zyrtarëve rusë dhe amerikanë që nga samiti i Helsinkit korrikun e kaluar midis Vladimir Putinit dhe Donald Trump.