Politika

Basha: Rama, lidhje me krimin. Ruçi i mbyll gojën opozitës

Kryetari i PD, Lulzim Basha ka akuzuar sërish kryetarin e Kuvendit se me urdhër të kryeministrit po i mbyll gojën opozitës, e cila sipas tij është gati të tregojë lidhjet e kreut të qeverisë me krimin.
“Edi Rama ka frikë nga përballja me të vërtetën dhe e vërteta është se bandat kanë kontrollin e territorit sepse kanë aleancë me Edi Ramën. PD është gati të përballet me Ramën dhe t’u tregojë shqiptarëve lidhjet e tij me krimin e organizuar dhe vendi për ta treguar është në Parlament”, ka thënë Basha.
Në një prononcim për mediat jashtë Parlamentit, Basha ka theksuar se përballë së vërtetës, Rama dhe Ruçi zgjedhin t’i mbyllin gojën opozitës duke shkelur rregulloren e Kuvendit. “Gramoz Ruçi shkeli rregulloren me përjashtimin e Flamur Nokës, që kërkoi zbatimin e rregullores”, ka thënë Basha.
Sipas tij, Noka u çua për të kërkuar zbatimin e rregullores sepse gjatë kohës që fliste ish-kryeministri Sali Berisha, Rama e ofendonte atë. “Rama përdorte një fjalor të ndyrë, fjalë rrugaçërore e jo thjesht një fjalor fyes politik”, ka vijuar Basha.
Duke theksuar se PD mund ta tregojë me fakte lidhjen e Ramës me krimin, kreu i opozitës ka shtuar se, “Gramoz Ruçi e mbërtheu këtë mundësi me urdhër të Ramës, duke e futur sërish Parlamentin në kolaps”. “Kjo është e vërteta, të tjerat janë spekulime”, ka shtuar Basha.

Related Articles

Leave a Reply

Your email address will not be published. Required fields are marked *

Back to top button