“Goxhaj s’është anëtar i Organizatës së Veteranëve”/ Gucati kundër protestave në Shqipëri: Mos i përdorni si

Në reagim e tretë publik, kryetari i Veteranëve të luftës së ushtrisë çlirimtare të Kosovës Hysni Gucati është pozicionuar qartë kundër protestave në Shqipëri dhe përfshirjes në të të ish luftëtarëve.

Lidhur me pretendimet se rama ka quajtur ish luftetaret ne protests jane mercenare, Gucati i hodhi ato poshte si genjeshtra.

“Unë Edi Ramën s’e kam dëgjuar që ka thënë mercenarë. Një listë e kam parë, duhet të jem i sinqertë, për portale të ndryshme që e ka bërë publike Taulant Balla. Mercenarë shqiptarë s’ka pasur, një ngatërresë është bërë. Tahir Sinanaj është nga Kukësi, Tahir Sinani është nga Tropoja. Ta bëjmë dallimin, janë dy Tahira, mos t’i ngatërrojmë. Sepse, nëse ke fjalën për Tahir Sinanin, Tahir Sinani s’ka marrë lekë, as s’ka marrë para, është dëshmor i kombit. Është luftëtar i tri luftërave.”

Lidhur me përdorimin e flamurit të UÇK-së në protesta dhe aktivitete politike, Gucati tha se vazhdimisht ka kërkuar që ai të mos përdoret.

 “Kam bërë kërkesë që mos të përdoret, edhe me shkrim e kam. Edhe ato dokumente, ku të duash, t’i jap që kam bërë kërkesë. Ju lutem mos e përdorni flamurin apo emblemën e UÇK-së nëpër fushata politike, sepse UÇK-ja nuk është e një partie, UÇK-ja është e gjithë kombit shqiptar.

Ai theksoi se qytetarët e Kosovës nuk duhet të marrin pjesë në protesta politike në Shqipëri, pasi ato janë çështje të brendshme të atij shteti.

Po ashtu, ai shtoi se ndihma për Shqipërinë do të ishte obligim vetëm në rast se vendi përballet me një kërcënim të jashtëm.

I pyetur për Dritan Goxhajn, Gucati deklaroi se ai NUK është anëtar i Organizatës së Veteranëve të Luftës së UÇK-së.

Në daljen për media organizata njoftoi edhe protestën e rradhës në mbështteje të krerëve të uçk në Hagë. Ajo do të mbahet të dielën e 5 korrikut në orën 18.00 në Kroaci.