Home / Rajoni / Maqedonia / Ish-Komandanti i NATO-s, Wesley Clark në Shkup

Ish-Komandanti i NATO-s, Wesley Clark në Shkup

Zoti Zaev dhe zoti Clark biseduan lidhur me realitetin e ri, siç e kanë quajtur anëtarësimin e Maqedonisë së Veriut në Aleancën Veriatlantike të NATO-s, një synim strategjik i këtij vendi ballkanik, sipas kryeministrit maqedonas. Në takim është folur edhe për zhvillimet në rajon dhe gjendjen e sigurisë.

Gjenerali është zotuar se do të ndikojë në tërheqjen e investitorëve amerikanë drejt Maqedonisë së Veriut, sipas një komunikate nga zyra e Kryeministrit Zaev.

Gjenerali Clark pati një takim edhe me kryetarin e Bashkimit Demokratik për Integrim, Ali Ahmeti. Gjenerali në pension e ka cilësuar rolin e zotit Ahmeti si ‘legjendar’ në ndërtimin e shtetit të Maqedonisë (së Veriut) teksa ka shprehur mirënjohje për kontributin e tij në qëndrueshmërinë e këtij vendi.

Ndërkohë, Ali Ahmeti ka theksuar se “Miqtë dhe aleatët nga SHBA gjithmonë kanë qenë forca e cila ka mbështetur popullin shqiptar në kohët më të vështira, por dhe në çastet më të mira”.

Gjenerali Clark u prit edhe nga Zëvendës-Kryeministri Artan Grubi, i ngarkuar për Sistemin politik dhe marrëdhëniet ndërmjet komuniteteve.

Leave a Reply

%d bloggers like this: