Ambasadori Donald Lu në KQZ: Dekriminalizimi, hap dyert drejt BE-së

Ambasadori i SHBA-ve Donald Lu, është takuar sot me kryetaren e KQZ-së dhe anëtarët e saj. Takimi me kreun e këtij institucioni, Lefterije Luzi, në prag të zgjedhjeve lokale të 21 qershorit, është mbajtur pa praninë e medieve.

Sipas burimeve, Donald Lu mësohet të ketë shprehur vlerësimin e tij për vendimmarrjen e pavarur të KQZ-së, sidomos pas vendimeve të fundit për ç’regjistrimin e kandidatit të PD në Kurbin, Ilir Pjetraj dhe rikthimin në lista të Altin Bibës që kidhte dhënë dorëheqjen më parë.

Lu po ashtu, mësohet të ketë thënë se, “pastrimi i politikës nga kriminelët është i rëndësishëm për anëtarësimin në Bashkimin Europian”.