Anglia zbardh skuadrën e “Euro 2016”

Trajneri i Anglisë Roy Hodgson ka bërë publike listën paraprake me 26 futbollistë, për skuadrën që do të përfaqësojë “3 Luanët” në finalet e Kampionatit Evropian. E reja në këtë skuadër është sulmuesi 18-vjeçar i Manchester United, Marcus Rashford, ndërsa të konfirmuar janë mungesat e Walcott dhe Jagielka, të dëmtuar.

Futbollisti i Manchester United e bëri debutimin e tij në muajin shkurt dhe trajneri Hodgson ka vendosur që ta ketë në skuadër për fazën përgatitore përpara Evropianit. Dëmtimi që e ka penguar të aktivizohet që nga muaji shkurt ka bërë që trajneri Hodgson të lërë jashtë kësaj skuadrë Theo Walcott, ndërsa i ka bërë vend Andros Townsend, edhe pse skuadra e tij Newcastle zbriti një kategori më poshtë.

Portierë: Fraser Forster (Southampton), Joe Hart (Manchester City) dhe Tom Heaton (Burnley).

Mbrojtës: Ryan Bertrand (Southampton), Gary Cahill (Chelsea), Nathaniel Clyne (Southampton), Danny Rose (Tottenham), Chris Smalling (Manchester United), John Stones (Everton), Kyle Walker (Tottenham) Mesfushorë: Dele Alli (Tottenham), Ross Barkley (Everton), Fabian Delph (Manchester City), Eric Dier (Tottenham), Danny Drinkwater (Leicester City), Jordan Henderson (Liverpool), Adam Lallana (Liverpool), James Milner (Liverpool), Raheem Sterling (Manchester City), Andros Townsend (Newcastle) dhe Jack Wilshere (Arsenal).

Sulmues: Harry Kane (Tottenham), Marcus Rashford (Manchester United), Wayne Rooney (Manchester United), Daniel Sturridge (Liverpool) dhe Jamie Vardy (Leicester City).