ANKARA – Trump: Groenlanda duhet të kontrollohet nga SHBA-ja, jo nga Danimarka

– Presidenti amerikan Donald Trump deklaroi sot se, Groenlanda duhet të kontrollohet nga Shtetet e Bashkuara të Amerikës dhe jo nga Danimarka, ndërsa liderët e NATO-s u mblodhën për një samit në Turqi, raportoi “Reuters”.

Deklaratat e Trump se SHBA-ja duhet të marrë ose të kontrollojë Groenlandën, një territor gjysmëautonom danez, kanë shkaktuar tensione mes Uashingtonit dhe Kopenhagës – të dyja vende themeluese të NATO-s – si dhe më gjerë në Evropë.

Çështja më pas, ka kaluar në një proces diplomatik diskutimesh.

“Ajo duhet të kontrollohet nga Shtetet e Bashkuara të Amerikës, jo nga Danimarka”, u tha Trump gazetarëve gjatë një takimi me presidentin turk, Recep Tayyip Erdogan.

Trump tha se çështja e kontrollit mbi Groenlandën ka dëmtuar marrëdhëniet e SHBA-së me NATO-n.

“Kjo është ajo që ka dëmtuar marrëdhënien time me NATO-n, sepse Groenlanda nuk e ndihmon Danimarkën. Danimarka nuk shpenzon para, për ta ndihmuar realisht Groenlandën, por ajo është një pjesë e rëndësishme për Shtetet e Bashkuara të Amerikës dhe është e rrethuar nga anije kineze dhe ruse, dhe kjo nuk duhet të ndodhë”, tha Trump.

“Ata nuk do të pranonin të bashkëpunonin me këtë, pavarësisht gjithë parave që ne shpenzojmë për t’i ndihmuar ata përballë Rusisë”, shtoi ai.

Sekretari amerikan i Shtetit, Marco Rubio, tha në qershor se bisedimet me Danimarkën dhe Greonlandën po vazhdojnë çdo muaj. /