KIEV – Zelensky: Portet e Detit të Zi nuk janë bllokuar plotësisht

KIEV, 24 gusht /ATSH-DPA/ – Sipas shifrave qeveritare nga Kievi, portet ukrainase në Detin e Zi mbeten funksionale pavarësisht sulmeve ajrore të vazhdueshme ruse.

“Tre deri në katër anije hyjnë dhe dalin nga zona e Odesës çdo ditë”, tha presidenti Volodymyr Zelensky në një konferencë për shtyp në Kiev në Ditën e Pavarësisë së Ukrainës.

Megjithatë, para se të fillonte vala e fundit e sulmeve ruse me dronë dhe raketa, portet trajtuan tre deri në katër herë më shumë se vëllimi aktual.

Ministri ukrainas i Bujqësisë Taras Vysotsky e kishte përshkruar më parë vazhdimisht situatën në portet e Detit të Zi në rajonin e Odesës si një bllokadë totale.

Moska i rriti sulmet e saj në korrik pas fillimit të sulmeve ukrainase ndaj anijeve që transportonin naftë dhe drithëra ruse./ a.jor.