Arrestohen katër kosovarë në Itali e Prishtinë, kërcënime për jetën e Papës
Një operacion anti-terrorizëm i policisë italiane është mbyllur me arrestimin e katër kosovarë, të akuzuar për terrorizëm dhe nxitje të urrjetjes racore.
Operacioni është zhvilluar në bashkëpunim me policinë e Kosovës. Aksionet e policisë janë kryer njëkohësisht në disa qytete italiane dhe në Kosovë.
Sipas Sky TG 24, ka pasur kërcënime për jetën e Papa Françeskut. “Ky Papë do të jetë i fundit”, është dëgjuar në në nga përgjime telefonike.
Hetimet që sollën në arrestimet e sotme janë kryer nga Antiterrorizmi italian dhe Digos i Breshias. Hetuesit kanë zbuluar kontaktet dhe organigramën e një organizate të dyshuar terroriste, ecila, përmes rrjeteve sociale propogandonte ideologjinë xhihadiste. Detaje të mëtejshme të operacionit do të jepen në një konferencë për shtyp në orën 10:30 nga Prokuroria e Breshias.
Janë katër qytetarët kosovarë të arrestuar nga operacioni policor. Për herë të parë ndaj tyre u përdorën masat e mbikqyrjes speciale. Mandati u lëshua direkt nga prokurori kombëtar i anti-mafias dhe anti-terrorizmit, Franco Roberti.
Ndër të ndaluarit edhe kreu i grupit, një qytetar që ka jetuar në Itali e që u arrestua në Kosovë nga autoritetet vendase, ndërsa tre të tjerët u arrestuan në Itali, ku jetonin prej kohësh. Policia ka ushtruar kontrolle në Breshia, Viçenca e Peruxha.
Në internet, kosovarët e arrestuar kishin publikuar foto me armë në duar. Nga hetimet rezultoi se të katërt ishin radikalë, me ide ekstremiste dhe sjellje tipike të militantëve të ISIS.
javanews.al
