Artan Didi sqaron deklaratën se nuk e ka takuar Doshin në zyrën e tij

Drejtori i Poicisë së Shtetit, Artan Didi, ka sqaruar një deklaratë të bërë nga ana e tij ku shprehet se, nuk e ka takuar Tom Doshin dhe personin që pretendohet se do ta vriste atë.

Didi shprehet se ka thënë se në zyrën e tij nuk ka takuar as Doshin dhe as ndonjë vrasës.

Sipas tij, takimi ministri ka sqaruar rrethanat e takimit. Tahiri dje pohoi se takimi mes Durm Bamit, Tomd Doshit dhe Didid ka ndodhur në zyrën e tij te ministrit.

“Referuar disa keqkuptimeve të krijuara nga disa përfaqësues të caktuar të medias, e më pas nga një parti politike, Drejtori i Përgjithshëm i Policisë së Shtetit, Z. Didi, sqaron se nuk ka bërë

kurrë ndonjë deklaratë për ndonjë media të caktuar rreth pretendimeve të Z. Doshi.

I pyetur nëpërmjet telefonit nga një gazetare nëse ka takuar në zyrën e tij zotin Doshi ose ndonjë vrasës, Z. Didi është përgjigjur shkurt se në zyrën e tij as ka takuar Z. Doshi e as ndonjë vrasës.

Rrethanat dhe të dhënat rreth kësaj ngjarje, janë sqaruar nga deklarata e bërë nga Ministri i Brendshëm, Z. Saimir Tahiri, ndaj çdo aludim për kontradikta e kundërthënie, është i tepërt dhe i pavend.

Drejtori i Përgjithshëm i Policisë së Shtetit, është i vendosur të zbatojë ligjin dhe përmbushë misionin e Policisë së Shtetit për të garantuar siguri dhe barazi para ligjit për të gjithë qytetarët, pa dallim”, thuhet në një deklaratë të Policisë së Shtetit”, citon njoftimi i Drejtorise se Policise se Shtetit.