Asambleja e socialistëve mblidhet sot në amfiteatrin e Tiranës, votohen strukturat e reja drejtuese

Është zgjedhur amfiteatri Tiranës për këtë mbledhje në zbatim të masave anti-covid. Nuk pritet ndonjë surprizë pasi detyrat e kësaj asambleje i ka përcaktuar kongresi i fund shkurtit.

Antarëve të asamblesë do tu duhet të votojnë për kryesinë e re të PS si dhe sekretariatin ekzekutiv të partisë. Me votim të fshehtë do të zgjidhet edhe sekretari i përgjithshëm i PS.

Fjala e krye-socialistit Rama, përpara asamblesë do të përcjellë tone të forta organizative, për zgjedhjet parlamentare, në arritjen e objektivit të marrjes të 74 mandateve.

Në të shkuarën Edi Rama nga mbledhjet e asamblesë ka anoncuar ndryshime të kabinetit qeverisës. Por a do të bëj Edi Rama kurban këtë të premte, disa prej ministrave të qeverisë aktuale? Gjithçka mbetet e hapur duke ia shtuar ethet e shkarkimit më së shumti, disa prej ministrave me pak, apo askap kontribut në Partinë Socialiste.

Axhenda e Asamblesë së PS-së
Pjesa e parë
Hapja e mbledhjes.
Fjala e Kryetarit të Partisë dhe Kryeministrit, Edi RAMA.
Propozimi dhe zgjedhja e organeve drejtuese të Partisë.

Pjesa e dytë
Projekt-Rregullore për organizimin dhe zhvillimin e fushtaës ”Zgjidh deputetin tënd”;
Miratimi i Librit të Rregullave të Partisë:
Projekt -rregullore: “Organizimi dhe funksionimi i AK të Partisë” ;
Projekt- rregullore: “Organizimi dhe funksionimi i Kryesisë së Partisë”;
Projekt-rregullore: “Organizimi dhe funksionimi i Sekretariatit Ekzekutiv të Partisë”;
Projekt-rregullore: “Komisioni i Garancive Statutore dhe Etikës”;
Projekt-rregullore: “Kryefinancieri dhe Këshilli i Mbikëqyrjes Financiare të Partisë”;
Projekt-rregullore: “Strukturat organizative vendore të Partisë”;
Projekt-rregullore: “Grupi i këshilltarëve socialistë në bashki”;
Projekt-rregullore: “Strukturat elektorale vendore”;
Projekt-rregullore: “Kodi i Etikës në Parti”;
Projekt-rregullore: “Kodi i Zgjedhjeve në Parti”;
Projekt-rregullore: “Votëbesimi në parti”;
Projekt-rregullore: “Marrëdhëniet e partisë me Organizatat e tjera”;
Projekt-rregullore: “Dokumentacioni në parti dhe administrimi i tij”;