De Biasi: Ja si zbulova Ajetin. Hysaj? Gati për nivele më të larta

Në të njëjtën faqe ku i dedikohet një shkrim për Arlind Ajetin, “Gazzeta dello Sport” ka marrë edhe një prononcim të trajnerit të Kombëtares, De Biasi për dy mbrojtësit shqiptarë, Arlind Ajetin dhe Elseid Hysajn.
Italiani ka thënë se cilësitë e Arlindit i ka zbuluar në një ndeshje mes Chelseat dhe Baselit të zhvilluar në vitin 2013 në “Stamford Bridge”. Në atë takim mbrojtësi shqiptar hyri në fushë si zëvendësues në minutën e 80.
Sipas De Biasit, Ajeti është një mbrojtës shumë agresiv por në të njëjtën kohë një lojtar i pastër dhe që shkakton pak ndërhyrje të gabuara. Ai është i bindur se 22-vjeëari i ka të gjitha mundësitë për të pasur një karrierë të shkëlqyer.
Ndërsa, i pyetur për Hysajn, De Biasi thotë se “ai tashmë është një lojtar i gatshëm për nivele më të larta dhe këtë po e tregon tek Napoli”.