Deti i Kinës Jugore, Kina zhvendos raketa në ishullin e shumëdiskutuar
Pamjet satelitore tregojnë se Kina ka zhvendosur raketa tokë-ajër në një ishull të pretenduar edhe nga të tjerë shtete në detin e Kinës Jugore, por Pekini i hedh poshtë të tilla pretendime si të “sajuara” nga mediat.
Fotot e marra më 14 shkurt e të publikuara nga “Fox News” tregojnë ato që duket të jenë dy bateri me nga 8 raketahedhëse dhe një sistem radarësh të vendosur në ishullin Yongxing.
Tajvani, që këmbëngul se ishulli i takon atij, e konfirmoi lëvizjen e Pekinit. Por ministri i Jashtëm kinez, Wang Yi u tha gazetarëve se, e gjithë kjo tymnajë nuk është gjë tjetër veçse një shpikje e mediave perëndimore.
“Në vend që të merren me të tilla gjëra, – u shpreh ai, në konferencën e përbashkët për shtyp me homologen australiane, Julie Bishop, – të përqëndrohen më mirë te faret që kemi ndërtuar në detin e Kinës Jugore, të cilët janë provuar mjaft të vyer për sigurinë e anijeve që kalojnë në atë zonë”.
Prania e raketave do t’i rrisë ndjeshëm tensionet në mosmarrëveshjet e hidhura, që rrethojnë çështjen e ishujve në këtë det, ku Kina, pretendimet e zgjeruara territoriale i ka maskuar me idenë se puna e saj në ato toka është legjitime dhe për qëllime civile.
Ishujt i kërkojnë dhe vende të tjera të rajonit, ndaj militarizimi i zonës nuk premton të sjellë asgjë të mirë.
