Dubai: Ekspozohet aeroplani luftarak kinez i brezit të 5-të

Aeroplani luftarak i brezit të 5-të “Guying” (FC-31), i prodhuar në mënyrë të pavarur nga Grupi Industrial i Aviacionit i Kinës, u shfaq më 8 Nentor 2015 në Ekspozitën e Aviacionit të Dubait. Kjo është hera e parë që ky aeroplan, i shfaqur fillimisht në vitin 2014 në Ekspozitën e Aviacionit të Zhuhait të Kinës, ekspozohet jashtë vendit.

Sipas Grupit Industrial të Aviacionit të Kinës, “Guying” është një aeroplan luftarak i brezit të 5-të i pakapshëm nga radarët, me sistem të përparuar të kryerjes së misioneve dhe mbështetje të pavarur logjistike etj. Ky aeroplan ka gjithashtu aftësi shumë të mira dhe të gjithanshme luftimi.

Paraqitja e aeroplanit “Guying” në Ekspozitën e Aviacionit të Dubait shënon ndryshimin e sistemit tradicional të tregtimit të pajisjeve ajrore ushtarake të Kinës dhe hapjen ndaj tregut ndërkombëtar të pajisjeve ushtarake ajrore të nivelit të lartë. Ky aeroplan gjithashtu simbolizon përfundimin e kalimit nga pajisjet konvencionale në aeroplanët luftarakë me teknologji të përparuar.