Durrës, atentat te kthesa e Maminasit. Plagoset 40-vjeçari

Një atentat te kthesa e Maminasit,  për pak sa nuk i ka marrë jetën një 40-vjeçari në orët e para të mëngjesit të sotëm.

Ngjarja ka ndodhur në fshatin Manzë të Durrësit dhe policia njofton se 40-vjeçarit Roland Farruku, i është bërë atentat me armë zjarri teksa kthehej në banesë rreth orës 02:00 të mëngjesit.

Farruku është qëlluar nga një automjet në lëvizje, duke marrë disa plumba në trup, por për fat të mirë është jashtë rrezikut për jetën.

Menjëherë pas ngjarjes, policia është vënë në lëvizje dhe ka shoqëruar 12 persona, të cilët dyshohen se mund të kenë dijeni për ngjarjen.

Nga ana tjetër, ka nisur puna për të zbardhur ndonjë konflikt të mundshëm që mund të ketë pasur i plagosuri, si në periudhën kur ka qenë emigrant në Holandë, ashtu edhe tani që ndodhej në Shqipëri.