Greqi, Athanasiu letër Lagarde: Na jep detaje për kërcënimet që ke marrë

Ministri grek i drejtësisë, Haralambos Athanasiu, me një letër drejtuar drejtoreshës së përgjithshme të FMN, Christine Lagarde, kërkon më shumë informacione lidhur me referimet e saj, gjatë një interviste për gazetën “Financial Times” për kërcënime ndaj jetës, kur foli për çështjen e evazionit fiskal në Greqi.

Sipas burimeve, ministri kërkon më tepër të dhëna nga zonja Lagarde, me qëllim që autoritetet greke të avancojnë në veprimet dhe procedurat e ligjshme.

Sipas të njëjtave burime, prokuroria po shqyrton nëse do të urdhërojë fillimin e hetimeve rreth denoncimeve të Lagarde se pati kërcënime për jetën, por edhe për denoncime të ngjashme që bëri kryetari i SYRIZA-s, Aleksis Tsipras.