Hahn me Mustafën: Urgjente formimi i qeverisë pro europiane
Në takimin e kryeministrave të shteteve të Ballkanit Perëndimor, të zhvillouar sot në Durrës, me inisiativë të qeverisë shqiptare, Komisioneri për Zgjerim, Johannes Hahn ka biseduar me kryeministrin në detyrë të Kosovës, Isa Mustafa, rreth formimit të qeverisë së re.
“Është urgjente formimi i qeverisë së re pro evropiane, stabile dhe reformatore në Kosovë”, ka shkruar Hah.
Në samitin jo formal që u mbajt në Tiranë, tema kryesore e diskutimit ishte ajo e integrimit ekonomik të rajonit.
Hahn ka theksuar se ky integrim nuk është zëvendësim për anëtarësimin e këtyre vendeve në Bashkimin Europian.
Në këtë takim përveç nikoqirit Edi Rama, morën pjesë kryeministri në detyrë i Kosovës Isa Mustafa, kryeministri i Maqedonisë Zoran Zaev, i Malit të Zi Dushko Markoviq, kryeministrja e Serbisë Ana Brnabiq, kryetari i Këshillit të ministrave të Bosnje dhe Hercegovinës Denis Zvizdiq, si dhe komisioneri Johannes Hahn dhe Cyril Muller, Zëvendës Presidenti i Bankës Botërore për Evropën dhe Azinë Qendrore Cyril Muller.
