Irani mund të përballet me sanksione të mëtejshme nëse Ngushtica e Hormuzit mbetet e mbyllur

Sekretarja britanike e Jashtme, Yvette Cooper ka paralajmëruar se Irani mund të përballet me sanksione të mëtejshme ndërkombëtare nëse Ngushtica e Hormuzit mbetet e mbyllur, pas një takimi virtual me përfaqësues nga mbi 40 vende të botës.

Cooper akuzoi Iranin se po përpiqet të mbajë peng ekonominë globale përmes bllokadës efektive të këtij kanali kyç detar.

Ajo theksoi se vendet pjesëmarrëse kërkuan rishpalljen e menjëhershme dhe të pakushtëzuar të lundrimit të lirë dhe respektimin e ligjit ndërkombëtar të detit.

Masat e mundshme përfshijnë:

• Rritjen e presionit diplomatik, duke përfshirë përmes OKB-së, për të lejuar kalimin pa pengesa të anijeve.
• “Refuzimin e plotë” të tarifave që Irani po vendos për anijet që duan të kalojnë.
• Bashkëpunimin me Organizatat Detare Ndërkombëtare për lirimin e mijëra anijeve dhe ekuipazheve të bllokuara.
• Masat e koordinuara ekonomike dhe politike, përfshirë sanksionet, në rast se Gjiri mbetet i mbyllur.

Cooper përmendi se ka pasur mbi 25 sulme ndaj anijeve në Ngushticën e Hormuzit, dhe rreth 20,000 ekuipazhe janë të bllokuara në rreth 2,000 anije.

Ajo paralajmëroi se veprimet e Iranit po ndikojnë në sigurinë ekonomike globale, duke rritur çmimet e karburantit dhe jetesën në vendet e ndryshme, përfshirë Britaninë e Madhe.

Pavarësisht deklaratave të presidentit Donald Trump, i cili sugjeroi se vendet që varen nga gjiri duhet të “veprojnë vetë” dhe pas konflikteve Ngushtica e Hormuzit do të hapej natyrshëm, kryeministri britanik Keir Starmer pranoi se bllokimi i saj nuk do të ishte i lehtë për tu zgjidhur.

Një tjetër takim javën e ardhshme do të shqyrtojë mënyrat për ta bërë ngushticën të aksesueshme dhe të sigurt pas përfundimit të konfliktit, pa përfshirjen e anijeve ushtarake britanike për patrullim. //a.i/