Kadri Veseli reagon kundër agjendës së Brukselit për futjen e Trepçës në bisedime
Kryeparlamentari Kadri Veseli i ka reaguar Bashkimit Evropian për qëndrimin e tyre për Trepçën.
Përmes Facebook’ut Veseli ka shkruar se Trepça as nuk ka qenë, as nuk është dhe as nuk do të jetë çështje e hapur në dialogun me Serbinë.
“ Me këtë gjuhë, BE është duke e rrënuar çdo perspektivë të dialogut dhe fqinjësisë së mirë. Trepça është e drejtë natyrore e shtetit të Kosovës. Sot dhe përgjithmonë”, shtoi ai.
Në anën tjetër nga BE, po thonë se çështja e Trepçës duhet të zgjidhet nëpërmjet marrëveshjes gjithëpërfshirëse për normalizimin e dialogut ndërmjet Prishtinës dhe Beogardit në Bruksel.
Koacijacic në një përgjigje për ‘tanjug’, ka thënë se të gjitha çështjet e pazgjidhura ndërmjet dy shteteve duhet të zgjidhen vetëm nëpërmjet dialogut, raporton Gazeta Express.
Ajo gjithashtu ka thënë se Bashkimi Evropian pret që Kosova të pezullojë vendimin për taksën, që do të mundësonte një kthim të shpejtë në dialogun e Brukselit.
