Konflikt me ish- të fejuarin e motrës, 27-vjeçari i djeg makinat

Një 32-vjeçare ka rënë pre e zemërimit të ish-kunatit të saj, i cili ka djegur plotësisht dy automjetet.
Ngjarja ka ndodhur rreth orës 02.40 në Unazën e Re në Tiranë, ku janë djegur plotësisht një Nissan dhe një Opel, në pronësi të A. A 32 vjeç, si dhe janë dëmtuar pjesërisht dy mjete të parkuara pranë tyre.
Burimet zyrtare bëjnë të ditur se autor i kësaj ngjarjeje është O. M 27 vjeç. Ai ka qënë i fejuari i motrës së 32-vjeçares, me të cilën ka një konflikt prej disa kohësh.
Policia sqaron se objektivi i këtij shtetasi kanë qënë shkatërrimi i automjetit të shtetases A. A., dhe të bashkëshortit të saj, dy mjetet e tjera të përfshira në dëmtim ka ardhur si pasojë e përhapjes së flakëve.