Kriza BE-Turqi, jep dorëheqjen ambasadori i BE-së

Ambasadori i Bashkimit Europian në Turqi ka dhënë dorëheqjen. Lajmin e konfirmoi një zyrtar i delegacionit të tij për agjencinë “Reuters” ditën e sotme, një muaj pasi ambasadori u thirri në ministrinë e Jashtme të Turqisë pas komenteve të tij kritike lidhur me menaxhimin e situatës së emigrantëve nga Ankaraja.

Dorëheqja e Hansjoerg Haber, vjen në momentin që marrëdhëniet mes BE-së dhe Turqisë janë në një çastet e tyre më kritike, me Brukselin që po përpiqet që të vazhdojë të ketë bashkëpunimin e Turqisë në kontrollin e emigrantëve drejt Europës.

“Mund të konfirmojmë se Haber ka dhënë dorëheqjen. Ne nuk jemi në një pozicion për të komentuar mbi arsyet e këtij vendimi në këto momente”, tha një zyrtar i delegacionit të BE-së nga Ankaraja.

Komisioni Europian nuk bëri asnjë koment. Haber u thirrit në ministrinë e Jashtme turke në maj, ku Ankaraja u ankua për komentet që ai kishte bërë për marrëveshjen e Turqisë me BE-në për menaxhimin e krizës së emigrantëve.

Zyrtarët turq ishin ofenduar nga deklarata e tij se plani për të liberalizuar vizat me Turqinë, ishte pjesë e marrëveshjes së Ankarasë me Europën, por kjo marrëveshje kishte probleme në zbatimin e saj.