Kryeministri i Bullgarisë, Bojkov Borisov, paralajmëron dorëheqjen

Kryeministri bullgar, Bojko Borisov, njoftoi se në mbledhjen e parë të Parlamentit do të ofrojë dorëheqjen, pasi që në zgjedhjet e sotme presidenciale në Bullgari humbi kandidatja që ai e mbështeti, Tsetska Tsacheva.

Sipas të dhënave paraprake mësohet se në Bullgari kandidati i paraqitur nga opozitarët, konkretisht nga Partia Socialiste e Bullgarisë (BSP), Rumen Radev, ka fituar zgjedhjet presidenciale.

Ish-Komandanti i Forcave Ajrore në pension, gjenerali Rumen Radev sipas rezultateve paraprake në raundin e dytë u zgjodh president duke marrë 58.1 për qind të votave.