Kryeprokurori i ri, Rama mbledh deputetët e “ligjeve”
Kryeministri Rama ka thërritur në një takim në Kryeministri deputetët socialistë, anëtarë të Komisionit të Ligjeve.
Në qendër të takimit që ka zgjatur rreth një orë është diskutuar për çështjen e mandatit të kryeprokurorit të ri, por edhe shkarkimi i kreut të Komisioni Qendror të Zgjedhjeve, Klement Zguri, për të cilën një javë më parë grupi i PS u shpreh se do të nisë të gjitha procedurat e nevojshme për ta larguar.
Mandati i Adriatik Llallës përfundon më 4 dhjetor, por procedurat për zgjedhjen e kryeprokurorit të ri ende nuk kanë nisur.
Sipas reformës në drejtësi, të drejtën për hapjen e procedurës dhe dërgimit në Kuvend të një liste me kandidatët për Prokurorë të Përgjitshëm e ka Këshilli i Lartë i Drejtësisë, i cili ende nuk është themeluar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.